Հրաձիգ Լիլիթ Մկրտչեան Դարձաւ Եւրոպայի Փոխախոյեան

Սպորտի եւ երիտասարդութեան հարցերու նախարարութիւնը կը տեղեկացնէ, որ Հայաստանի հրաձգութեան հաւաքականի անդամ Լիլիթ Մկրտչեան Եւրոպայի ախոյեանութեան մէջ նուաճեց արծաթէ մետալ: Այս մէկը 8 տարուան ընդմիջումէն ետք Եւրոպայի մեծահասակներու ախոյեանութեան հայ հրաձիգներու նուաճած առաջին մետալն է:

Լիլիթը, վազող թիրախ սովորական վազք մեծահասակներու պայքարին մէջ, հաւաքելով 369 միաւոր՝ անցած է եզրափակիչ փուլ, ուր 6:2 հաշիւով զիջելով ուքրանացի Կալինա Աւրամենքոյին՝ դարձաւ Եւրոպայի փոխախոյեան։

Լիլիթ Մկրտչեան Հայաստանի սպորտի եւ երիտասարդութեան հարցերիուն նախարարութեան «Երեւանի հրաձգութեան մանկապատանեկան մարզադպրոց» ՊՈԱԿի սան է. անոր անձնական մարզիչն է Արմենակ Գալոյեան:

Հայաստանը Եւրոպայի ախոյեանութեան ներկայացաւ 13 մարզիկով. հրացան զէնքաձեւ՝ Սուրէն Բերեան, Հրաչիկ Բաբայեան, Քրիստիան Լաուեր, Հայկ Բաբայեան, Վրէժ Թորոսեան, Նարեկ Ադամեան եւ Ալլա Պօղոսեան, ատրճանակ զէնքաձեւ՝ Նորայր Առաքելեան, Էլմիրա Կարապետեան, Զաւէն Իգիթեան եւ Բենիկ Խլղաթեան, վազող թիրախ զէնքաձեւ՝ Լիլիթ Մկրտչեան եւ Յովհաննէս Խաչատրեան:

Նշենք, որ Եւրոպայի ախոյեանութիւնը տեղի ունեցաւ Սլովենիոյ Մարիպոր քաղաքին մէջ եւ անոր մասնակցութիւն բերին 46 երկիրներէ 577 մարզիկներ:

Comments are closed.