Կռփամարտ. Աբրահամ – Քրասնիք Մրցումը` 22 Ապրիլին

Արհեստավարժ կռփամարտիկ, գերմիջին քաշային կարգի «Տապլիու Պի. Օ.»-ի վարկածով աշխարհի նախկին ախոյեան Արթուր Աբրահամի յաջորդ մենամարտը տեղի պիտի ունենայ 22 ապրիլին, կը հաղորդէ «Պոքսինկսին»:

Գերմանական Էրֆուրթ քաղաքին մէջ տեղի ունենալիք այս մենամարտին, 37 տարեկան կռփամարտիկին մրցակիցը պիտի ըլլայ լեհ 29 տարեկան Ռոպին Քրասնիք:

Նշենք, որ 12 նոյեմբեր 2016-ին Մոնաքոյի մէջ (Ֆրանսա) Աբրահամ փոխվրէժի մրցում մը պիտի կատարէր անգլիացի Մարթին Միւրէյի դէմ: Սակայն արմուկի վնասուածքի պատճառով հրաժարեցաւ այդ մենամարտէն:

Աբրահամ իր նախորդ մենամարտը կատարեց 16 յուլիս 2016-ին` Պերլինի մէջ, ուր նաք-աութով 8-րդ ռաունտին յաղթեց նորվեկիացի Թիմ Ռոպին Լիհաուկի:

Նշենք, որ Արթուր Աբրահամ երէկ տօնեց իր ծննդեան 37-րդ տարեդարձը:

Comments are closed.